ازاي تكسب كمصور من التصوير و تبيع صورك ؟
تنتشر في سحابة الإنترنت العديد من المواقع التي تقدم خدمة بيع الصور Stock photos و التي تتيح للمصورين عرض اعمالهم للبيع على الشركات و الأفراد و الأشخاص الذين يحتاجون صورا ً لوضعها على مجلاتهم أو لافتاتهم الإعلانية .
تعالوا نبدأ الشرح ...
1 . الخطوة الأولى : شرح الفكرة
- عندك كاميرا جيدة بتصور بجودة عالية
وحظك انك قريب من مكان فيه مناظر طبيعية او مواقع اثرية مشهورة عالميا
فإنت النهاردة مع موعد مع فرصة تاريخية ليك لبيع انتاجك بشكل جيد و سليم
فيه مواقع على الإنترنت تصنيفها الرسمي Stock Photos .. بتبيع الصور و الرسومات و الفيديوهات عبر الانترنت و مضمونة من حيث المصداقية جدا
حلو اوي ؟ طيب انا اعمل ايه ؟
- لو انت مصور .. فإنت منتج هنا .. انت واحد بتصور صور حلوة و كويسة و جودة عالية
سواء لمناظر طبيعية او اثار او مناطق سياحية
و عليك فقط تمشى بخطوات معينة و شروط معينة عشان تسوق صورك هناك
و بعد كدة لو حازت صورك مرات تحميل , هتاخد ارباح
و فى النهاية انت مش خسران بالتأكيد
2 . الخطوة الثانية : ايه المطلوب للبداية ؟
* بالنسبة لك لازم تكون عندك شوية مهارات و هي :
- اجادة لغة انجليزية بشكل كافي للتعامل مع المواقع دي و فهمها بسهولة
- عندك كاميرا جيدة سواء موبايل او كاميرا مستقلة بتصور صور حلوة
- فاهم مبدئيا موضوع التصوير و عندك هواية
- بتمر او بتسكن قرب مناطق اثرية او سياحية او ساحلية او قريبة من مناظر طبيعية
( حدائق - شواطيء - مرتفعات جبلية - محميات طبيعية - صحراء - حقول زراعية .. الخ )
3 - الخطوة الثالثة : ايه شروط الصور ؟
لازم تعرف ان فيه شروط و سمات معينة لازمة فى الصور و هى :
1) الصورة لازم تكون مملوكة ليك ( و تقر بكدة )لو اتضح انها مش تبعك , مش هيكون ليك اي ارباح و هيتحظر حسابك
2 ) الصورة لازم تكون جودة عالية ( قابلة للزووم بشكل حلو )( كل موقع بيحط حد ادنى لحجم الصورة و هتشوف بنفسك )
3 ) لو كان فى الصورة شخص او موديل .. لازم موافقة موقعة منه بانه سمح لك بتداول الصورة تجاريا و ادبيا
( يعني مثلا صورة مواطن او واحدة .. و ده منطقى )الموافقة لازم تكون موقعة على صياغة (model release form).
طيب الارباح قد ايه ؟
على حسب في مواقع بتديلك عمولة 30% - 50% على كل تحميل لواحدة من صورك
( يعني مثلا الصورة سعرها على الموقع مثلا 10 دولار
.. بتاخد 5 دولار عن كل تحميل !! )
و بيكون فيه حد ادنى لسحب ارباحك ( غالبا 50 دولار على الاقل )
و اسرع وسيلة تحويل عن طريق الباى بال ( حساب امريكي او غير مصرى يفضل )
( و كل موقع و له وسائل متعددة فى التحويلات .. شوف بنفسك و دور و ان شاء الله مش صعبة و كل عقدة و ليها حل smile رمز تعبيري )
4- الخطوة الرابعة : ايه أكتر صور مبيعا ؟
طيب ايه افضل انواع الصور اللى بتتباع ؟
1 - صور المناظر الطبيعية :
يعني شمس , قمر , نجوم , صحرا , حدائق , نيل , جبال .. الخ الخ
2 - الجمادات العادية :
اللى هيا ممكن تستخدم للتصميم ... و على فكرة بسيطة جدا , يعني مثلا صورة اقلام و كتب !!! ( اه بجد ! )
بس تكون بجودة عالية طبعا و تنفع للتصميم
.. صورة قلم .. صورة كوباية .. صورة كمبيوتر حلو .. صورة كتاب مدرسى .. صورة طبق فاكهة !!
3 - صور الاثار و المناظر الاثرية طبعا بأنواعها
4 - الصور اللى ممكن تستخدم ارشيفية فى مواقع الاخبار , يعني لو صحفي و مصور و حابب تبيع صور مش منشورة ليك و حاسسها تنفع تستخدم كصور ارشيفية .. و دي صعبة شوية بس حاول فيها
5 - صور البورتريه .. يعني صورة كذا شخص او شخصين ..
صعايدة وراهم حقل .. صيادين وراهم بحر .. كدة
ملحوظة اخيرة و تحذير مهم جدا :
ممنوع طبعا الصور اللى ملعوب فيها بأى شكل فوتوشوبي او تم تحريرها بأى برنامج تحرير صور .. لأن كدة ما تبقاش صور خام.
5 - الخطوة الخامسة: اشهر المواقع دي ايه ؟
تعالوا نشوف دي اهم المواقع اللي ممكن تسجلوا فيها وهي كالاتي:
- iStock photo
- Fotolia
- shutterstock
- Canstock
و طبعا التسجيل فى المواقع دي سهل جدا زي كأنك بتعمل ايميل بالضبط و كذلك رفع الصور , و استلام الاموال بيختلف من موقع للتاني لهذا قلنا عشان ما نطولش عليك , نشرح الاساسيات و هتلاقي لو لغتك الانجليزية كويسة ان الخطوات و التسجيل سهلة جدا
و تقدر تقرا بوضوح شرح كتالوج الموقع من FAQ لكل موقع بسهولة تشرحلك و تجاوبك على اساسيات الموقع و نسب الارباح و غير ذلك.
نصائح لبيع الصور عبر مواقع بيع الصور والربح منها
كن محترفاً : ما الذي سيجبر الزبون على شراء صورتك؟ مع تواجد الآف الصور وعشرات مواقع بيع الصور والخيارات أمامه , في الحقيقة اللقطة والصورة الإحترافية الجميلة ستحقق المبيعات بكل تأكيد وهذه يعود الى ذوق وإحترافية المصور .
الجودة العآلية : وهذا معيار جداً مهم فعند شراء الزبون للصورة عن طريق أي موقع من مواقع بيع الصور فهو يتوقع الحصول على صورة إحترافية عآلية الجودة وذلك ليقوم بطباعتها مثلاً , لا تقلق من نقطة إحتياجيك لكاميرا إحترافيه فالعديد من أجهزة الجوال في الوقت الحالي تعطيك صور ممتازة وذات جودة عالية .
اهتم بالكلمات المفتاحية : كيف سيصل اليك الزبون ؟ بالتأكيد عن طريق البحث عن طريق الموقع الخاص ببيع الصور وذلك بكتابة كلمة مفتاحية مهمتك أنت في هذه الحالة هي البحث عن الكلمات المفتاحية الأكثر بحثاُ والحصول على صور متعلقة بها , بالتالي تضمن وصول .الصور الخاصة بك الى عدد مشاهدات عآلي للحصول على مبيعات وربح المال بالنهاية.
تعدد المواقع : قم برفع الصور الخاصة بك على أكثر من موقع لضمان الحصول على أكبر عدد من المبيعات عن طريق مواقع الربح من بيع الصور , فشكبة الإنترنت تحتوي على العديد من هذه المواقع والتي سنقوم بإستعراض المواقع الأفضل والأكبر من حيث عدد الزيارات والمبيعات .
الصبر : إن بيع صورك الفوتوغرافية على هذه المواقع مسألة وقت في حالة كانت الصور الخاصة بك صور إحترافية وذات ميزة تنافسية جيدة بالتالي يجب عليك الصبر للوصول الى المبيعات الأولى ومع مرور الوقت سوف تجد الصور الخاصة بك تحصل على تحميلات كثيرة وبالتالي تحميلات أعلى .
لو واجهك اي عائق فيه ابعتلنا فى التعليقات و هشوف المشكلة ايه و وسيلة حلها او ارسل لي علي الفيس بوك اولينكدان او جروب التليجرام : اضغط هنا للاشتراك في قناة التليجرام